Servizos · Apartamentos turísticos
Webs con reserva directa para apartamentos turísticos
Reserva directa, calendario sincronizado con Booking.com, Airbnb e Google, cobro directo ao hóspede e un panel para todo. No teu dominio.
Prezos
Págase unha vez. E ao mes, case nada.
Varias unidades
Xestoras e propietarios con varios apartamentos
Unha soa web para todo o teu catálogo, cada unidade co seu calendario e o seu cobro directo. Panel único para xestionalas todas.
desde 15.000€
+ mensualidade por unidade
Completa
Absolutamente todo.
9.500€
pago único
+ 50€/mesSen comisión por reserva
- Todo o de Estudio, máis:
- Bot de atención ao hóspede 24/7
- Emails automáticos ao hóspede: benvida, chegada e despedida
- SEO Premium: traballo activo de ocupación todo o ano
- Sesión completa de foto e vídeo
- Copywriting integral da web
- Deseño novo de marca, se se precisa
- Soporte prioritario
Estudio
O que escollen case todos.
6.500€
pago único
+ 40€/mesSen comisión por reserva
- Todo o de Esencial, máis:
- Dominio propio incluído
- Correo personalizado co teu dominio
- Fotografía profesional do apartamento
- SEO local e blog para saír en Google
- Panel de xestión en vivo: prezos, reservas e incidencias
- Animacións e microinteraccións premium
- Código de entrada automático para cada reserva
- Informe mensual de ocupación
Esencial
O esencial, ben feito.
3.500€
pago único
+ 30€/mes5% por reserva directa
- Web a medida
- Reserva directa e calendario sincronizado (Booking.com, Airbnb, Google)
- Cobro directo ao hóspede
- Cos teus textos e fotos
- Posta en marcha completa
A mensualidade cobre mantemento, copias de seguridade, soporte e o panel — de 30€ a 50€/mes segundo o plan, desde o primeiro mes.
Como se paga: 50% para empezar, 50% á entrega. IVE aparte.
A conta, cos teus números
Canto che está custando Booking?
O teu plan
40€/mes · sen comisión
Facturando 16.200 € ao ano nesas noites:
Aforro cada ano
2436 €
O pago único da web recupérase co aforro — e a web, o dominio e os hóspedes quedan sendo teus.
*15% de comisión estándar de Booking.com máis o IVE sobre a comisión. Nos programas preferentes, máis. Cálculo orientativo sobre as noites que hoxe entran por Booking.
Proceso
Como funciona
- 01
A túa web, co teu contido
Fotos, textos e blog nunha web propia, pensada para posicionar.
- 02
Reservas directas, sen overbooking
Calendario sincronizado con Booking.com, Airbnb e Google. O hóspede págache a ti.
- 03
Un panel para xestionalo todo
Prezos, calendario e reservas en vivo, nun só sitio.
Condicións
Tres cousas que che dicimos antes de que preguntes
- 01
Somos caros comparados cunha plantilla
Unha web de plantilla cústache pouco máis de 10€ ao mes e móntala ti. Se o prezo é o único criterio, esa é a túa opción — e dicímoscho en serio, sen retranca.
- 02
Non facemos mantemento de webs que non fixemos nós
Só sostemos o que construímos, porque é o único que podemos garantir. Se xa tes web e non a fixemos nós, o que che ofrecemos é refacela, non parchear.
- 03
Necesitamos dúas horas túas nas primeiras semanas
Hai un paso que non podemos dar por ti: conectar a túa conta de cobro para que o hóspede te pague directamente. Sen iso, a reserva directa non chega a funcionar. Dúas horas túas, e non volvemos molestar.
Garantía
Que pasa se algo falla
- Falas sempre coa mesma persoa: quen deseña e programa a túa web. Non hai centraliña.
- Antes de empezar recibes un calendario con fitos e un prezo pechado por escrito.
- Se algo deixa de funcionar por culpa nosa, arránxase sen custo e sen discutir.
- A web, o dominio e os textos son teus. Se algún día marchas, lévalos contigo.
- Resposta en menos de 24 h en días laborables.
Preguntas frecuentes
O que nos preguntan
Non é caro?
Compárao co que xa pagas: ata un 18% de cada reserva por Booking, cada ano. A web págase unha vez, e é túa. Na primeira conversa facémosche as contas cos teus números.
Que pasa coas miñas reservas de Booking.com e Airbnb?
Seguen igual. O calendario sincronízase con Booking.com, Airbnb e Google — nunca hai dobre reserva. A túa web é unha canle máis, sen comisión.
Como cobro as reservas directas?
O hóspede paga na túa web e o diñeiro chega directo á túa conta, coa túa propia pasarela de pagamento. Laxe Studio nunca toca o diñeiro das túas reservas.
Que inclúe a mensualidade?
Actualizacións, copias de seguridade, soporte e o panel de xestión en funcionamento. Depende do plan: de 30€ a 50€ ao mes desde o primeiro mes; o plan Esencial leva ademais un 5% por reserva directa, e os outros dous non teñen comisión ningunha.
Canto tempo leva ter a web en marcha?
Depende do plan e do material co que contes (fotos, textos). Antes de empezar dámosche unha data pechada de entrega e cumprímola.